EDUCACIÓN FÍSICA . 6º DE PRIMARIA
Ola
chicos e chicas. Son Ángel o profe de Ed. Física. Envíovos unhas indicacións
e consellos para que na medida do posible manteñades un mínimo de
actividade física diaria durante este tempo de obrigado retiro doméstico.
-
Imos poñer coma obxectivo realizar un mínimo de 60´minutos diarios de
actividade física
-
Cadaquén que adapte esas actividade ao espazo do que dispoña. Xa sabedes
que non podemos saír dos límites da nosa propiedade, agás para necesidades
básicas.
-
Non podemos realizar actividades físicas que poñan en risco a nosa saúde
(caídas, golpes,…) polo que desaconsello
coller bicis, patíns,
patinetes, facer xogos bruscos con balóns, realizar trepas, andar en
alturas,…
-
Como estamos a vivir unha situación absolutamente excepcional temos que axustar
os nosos hábitos diarios a estas condicións: non pasarnos coa alimentación,
respectar as horas de sono recomendadas segundo
a idade, axudar coas tarefas domésticas, manter unha boa hixiene
corporal, organizar o día en distintos tempos (actividade física, tarefas
escolares, lectura, tempo de lecer...)
-
Imos plantexar unha sesión de actividade física tipo para que vos sirva
de orientación e despois vós podedes botarlle imaxinación.
SESIÓN TIPO (con roupa e calzado
axeitado e nun espazo libre de obstáculos)
1ª. QUECEMENTO (10´) : Mobilidade articular (en estático, comezando polos
nocellos, ir movendo alternativamente cada articulación do corpo en todos os
ángulos posibles)
Movementos coordinados dos distintos segmentos corporais ( se tendes
espazo podedes correr suavemente e ir movendo a un tempo os brazos en cruz, en
aspas, saltando, levantando muslos,...)( se non tedes moito espazo, podédelo
facer no sitio sen moito desprazamento)
Estiramento (como facemos na clase, empezamos
polos músculos de detrás das pernas, seguimos polos Xemelgos de ambas pernas,
os cuádriceps, o abdome, as costas,...)
2ª.PARTE PRINCIPAL (40´) (podedes
elixir entre todo este tipo de actividades e ir variando o plan segundo as
vosas posibilidades de espazo e materiais)
- Exercicios de coordinación
xeral: salto á comba, facer xirar un aro no corpo, subirei vídeos con exercicios
de dinámica xeral.
- Exercicios de coordinación oculo-manual (camiñar e
botar un balón, lanzar a encestar, tiralo contra a parede e recollelo,... e coordinación oculo-pédica (levar un
balón co pé, golpealo contra a parede, tirar a unha portería improvisada,..)
- Actividades con raquetas: ping pong, badminton (no patio da casa se
se dan as condicións), frontón contra unha parede,...
- Actividades rítmicas (tratar de seguir coreografías a través de
vídeos de youtube que eu vos irei recomendando, ou que vós podedes elixir)
- Exercicios xenéricos de forza: subirei exemplos
prácticos á páxina
- Xogos de lanzamento e precisión: petanca,
bolos, encestes,...
- Xogos de flexibilidade tipo Twister (subirei exemplos prácticos á
páxina)
3ª. VOLTA Á CALMA (10´)
Rematamos a sesión con exercicios de flexibilidade parecidos aos do inicio da
sesión, con exercicios de respiración profunda e relaxada (subirei vídeo para
que sirva de modelo)
Chicos e chicas, podedes seguir este plantexamento de sesión ou organizar o
tempo ao voso gusto en función da vosa situación e dos vosos intereses. A ver
se conseguides os 60´minutos diarios de actividade física que estaría
moi ben. Anímovos a intentalo. Irei pouco a pouco subindo cousas á páxina que
vos poidan servir de exemplo e estimular. Non vos esquezades dos xogos de
sempre que inda que non son de moito movemento, son estupendos para a axilidade
mental e a diversión en grupo: cartas,
parchís, damas, xadrez, trivial,... Moito ánimo para tod@s e esperemos
que non se alongue demasiado esta situación. Un saúdo do profe Ángel.
Ningún comentario:
Publicar un comentario